DANGERS OF THE GLOBAL KALARI INVESTMENT

🌹🌲കളരിവിദ്യയുടെ ആഗോളതല വാണിജ്യ ഭീകരത🌹🌲 https://www.facebook.com/share/p/1DJpMHCmR9/ കളരിപ്പയറ്റിന്റെ പേരിൽ ആഗോളതലത്തിൽ പ്രവർത്തിക്കുന്ന ഒരു വാണിജ്യശ്രുംഖലയെക്കുറിച്ചുള്ള സാമൂഹ്യമാധ്യമ വിളംബരങ്ങൾ വന്നുകൊണ്ടിരിക്കുന്നുണ്ട്. അന്വേഷിച്ചപ്പോൾ കിട്ടിയ ചില വിവരങ്ങൾ ഇങ്ങനെയായിരുന്നു: കേരളത്തിലെ ഒരു ഗ്രാമത്തിൽ അതിന്റെ ശാഖതുടങ്ങാനായി ചുരുങ്ങിയത് 65 ലക്ഷം രൂപ നിക്ഷേപിക്കണം. കളരിക്കും അനുബന്ധ സൗകര്യങ്ങൾക്കും വേണ്ട സ്ഥലമുണ്ടാകണം. വാടകയായും മറ്റും മാസത്തിൽ രണ്ട് ലക്ഷം നൽകപ്പെടും. ഹൈദ്രാബാദ് കേന്ദ്രമായി പ്രവർത്തിക്കുന്ന കമ്പനിയുടേതായിരിക്കും നടത്തിപ്പ്. കളരിപ്പയറ്റ് പരിശീലിക്കാൻ ഒരു മാസത്തെ നിരക്ക് ₹6000/- ഉഴിച്ചിൽ തുടങ്ങിയ മറ്റ് ആരോഗ്യ രക്ഷാ സേവനങ്ങൾക്ക് തക്കതായ തുക ഈടാക്കുന്നതാണ്. (മറ്റ് കൂടുതൽ വിവരങ്ങൾ ലഭ്യമായിട്ടില്ല. അറിയുന്നവർ പങ്കുവെക്കുമെന്ന് കരുതട്ടെ) മാസത്തിൽ 200/- രൂപ കൊടുക്കാൻപോലും ആളുകൾ തയ്യാറല്ലാത്തതുകൊണ്ട് ഗതികെട്ട രീതിയിൽ പ്രവർത്തിച്ചുകൊണ്ടിരിക്കുന്ന (മഴക്കാലത്തെ മൂന്ന് മാസത്തിൽ) പാരമ്പര്യ കളരികളെയാണ് ഇതുവരെ പരിചയമുണ്ടായിരുന്നത്. അത്തരമൊരവസ്ഥയിൽനിന്നും ഇപ്പോഴുണ്ടായിട്ടുള്ള മാറ്റങ്ങളെ എങ്ങനെയാണ് കാണേണ്ടത്? കറുത്ത സ്വർണ്ണമെന്ന നിലയിൽ കേരളത്തിലെ കുരുമുളക് ലോകവണിജ്യത്തിന്റെ ആകർഷക ഉല്പന്നമായിരുന്ന ഒരു കാലത്തേക്കുറിച്ചാണ് ഇവിടെ ഓർമ്മവരുന്നത്. കേരളത്തിന്റെ തന്നത് യുദ്ധമുറയെന്ന് പറഞ്ഞ് നാടൻ കാലാപ്രദർശനമായിട്ടായിരുന്നു ഇതുവരെ വിനോദസഞ്ചാരകേന്ദ്രങ്ങളിലേക്കും വൻനഗരങ്ങളിലെ പഞ്ചനക്ഷത്ര ഹോട്ടലുകളിലേക്കും കളരിവിദ്യ തട്ടിയെടുക്കപ്പെട്ടിരുന്നത്. കേരളത്തനിമയെന്നതിനുപകരം ഭാരതീയത്തനിമയുടെ ധനുർവേദ യുദ്ധപാരമ്പര്യമായാണ് ഇന്ത്യയിൽ ദേശീയ യുദ്ധോത്സവങ്ങളിൽ കളരിവിദ്യ വിളംബരം ചെയ്യപ്പെട്ടുകൊണ്ടിരിക്കുന്നത്. പൊന്ന്യത്തങ്കം, കടത്തനാട്ടങ്കം എന്നീ അങ്കോത്സവങ്ങളും നടക്കുന്നുണ്ട്. വൈദിക പാരമ്പര്യത്തിലേക്കും ബ്രാഹ്മണ്യ, സവർണ്ണ മൂല്യങ്ങളുടെ കെട്ടുകാഴ്ചകൾക്കുവേണ്ടിയുള്ള ഉല്പന്നമായും കളരിവിദ്യയെന്ന ജനകീയ ആരോഗ്യരക്ഷാ, വൈദ്യ പാരമ്പര്യത്തെ തട്ടിയെടുത്ത് വികൃതമാക്കപ്പെട്ടുകൊണ്ടിരിക്കുന്ന കാഴ്ച്ചകളാണ് കുറേക്കാലമായി കണ്ടുകൊണ്ടിരിക്കുന്നത്. ഇതിനകം തന്നെ ദൃഢപ്പെട്ടു കഴിഞ്ഞിട്ടുള്ള ഹിന്ദുത്വ ഭീകരതയുടെ ഭാഗമായുള്ള അതിക്രമങ്ങൾക്കായി കളരിവിദ്യയെ ഉപയോഗിക്കുന്നതിനു വേണ്ടിയാണ് "കളരിപ്പയറ്റ്" എന്നനിലയിൽ യുദ്ധമുറാ ചരിത്ര നിർമ്മിതി നടന്നിട്ടുള്ളത്. (അഗ്നിപഥ, അഗ്നിവീർ എന്നിങ്ങനെയുള്ള അനുബന്ധ സൈനികവിഭാഗങ്ങളിലും മറ്റ് അർദ്ധസൈനിക, മർദ്ദകസേനകളിലും കളരിപ്പയറ്റിനെ ഉപയോഗപ്പെടുത്താനുള്ള ശ്രങ്ങൾ നടക്കുന്നുണ്ട്) അത്തരമൊരു വീരത്വാഘോഷങ്ങളുടെ തുടർച്ചയെന്നനിലയിൽ കൂടിയാണ് ഇപ്പോഴത്തെ ആഗോള വാണിജ്യശ്രുംഖലാ സംരംഭത്തെ കാണാവുന്നത്. (കൂടതൽ വ്യക്തത ഇനിയുമുണ്ടാകേണ്ടതുണ്ട്) ഇതുസംബന്ധിച്ച ഒരു പൊതു സംവാദം ഇവിടെ ആവശ്യമാകുന്നുണ്ട്. വിശദവിവരങ്ങൾക്ക്: 9447262817 www.pillathaangi.blogspot.com ചോമ്പാല 25.5.2025 കളരിവിദ്യയുടെ വിപുലമായ ആശയലോകത്തെക്കുറിച്ചുള്ള സംവാദങ്ങൾക്ക് സഹായകമായ ഒരു വിവരകോശം ഞങ്ങൾ പ്രസിദ്ധീകരിച്ചിട്ടുണ്ട്: https://www.facebook.com/share/p/1AgUDEgdqe/ കളരിയാവിരൈ പലശകലങ്ങൾ അഥവാ കളരിവിദ്യയുടെ പലമയും പയമയും (വിവരകോശം ഒന്നാംഭാഗം) സമ്പാദകൻ: പി. കെ. ശശിധരൻ ............... https://www.facebook.com/share/p/18NVGNTHDy/ കളരിവിദ്യയെക്കുറിച്ച് നിലവിലുള്ള ചരിത്ര, സാംസ്‌കാരിക ധാരണകൾ തിരുത്തിയെഴുതാൻ സഹായിക്കുന്ന സമഗ്രമായ ഗവേഷണത്തെളിവുകളും മറ്റ് വിവരങ്ങളും സമാഹരിച്ചിട്ടുള്ള ഒരു പുസ്തകമാണിത്. കളരിവിദ്യയെപ്പറ്റി രാജശാസനങ്ങളും ഐതിഹ്യങ്ങളും മാത്രം വെച്ചുകൊണ്ടുള്ള ഭാഗികമായ കഥകളാണിപ്പോൾ പ്രചരിപ്പിച്ചുകൊണ്ടിരിക്കുന്നത്. അതിനുപരി പാരമ്പര്യത്തിനുള്ളിൽനിന്നുള്ള വിവരങ്ങളാണിവിടെ ശേഖരിച്ചിട്ടുള്ളത്. ഒന്നാം തമിഴ്സംഘകാലത്തെ (കി. മു. 400-300) നഷ്ടപ്പെട്ടതെന്നനിലക്കാണ് കളരിയാവിരൈയെക്കുറിച്ച് പറഞ്ഞുവരുന്നത്. കളരിയാവിരൈ 'ഒരു ദ്രാവിഡ വൈദ്യശാസ്ത്ര ഗ്രന്ഥ'മാണെന്ന് (ആരോഗ്യരക്ഷാവിദ്യയാണെന്ന്) ചില സംഘസാഹിത്യ ചരിത്രത്തിൽ കാണുന്നുണ്ട്. പാരമ്പര്യ അറിവുരൂപങ്ങളെ, പ്രയോഗമുറകളായാണ് കണ്ടുവന്നിരുന്നത്. 'മുറൈ', 'വിരൈ', 'നൂൽ' എന്നിങ്ങനെയായിരുന്നു പ്രാചീന തമിഴ് ശാസ്ത്രവിദ്യകളെ കണ്ടിരുന്നത്. അങ്ങനെയുള്ള പ്രയോഗവഴക്കങ്ങളും മൊഴിവഴക്കങ്ങളും ഇന്നും പ്രചാരത്തിലിക്കുന്നുണ്ടെന്ന് കാണിക്കുകയാണിവിടെ. ചിതറിപ്പോയ കളരിയാവിരൈ പാരമ്പര്യത്തിന്റെ പലശകലങ്ങളാണ് ഇതിൽ സമാഹരിക്കുന്നത്. . പാരമ്പര്യക്കാരുടെ അനുഭവങ്ങളും തെളിവുകളും ശേഖരിച്ചുകൊണ്ടുള്ള ഒരു പുസ്തക പരമ്പരയാണിത്.. ജനങ്ങൾക്ക്‌ കളരിപ്പയമയെക്കുറിച്ചെഴുതാനുള്ള ഒരവസരംകൂടിയാണ് ഇതിലൂടെയുണ്ടാക്കുന്നത്. http://pillathaangi.blogspot.com/ www.pillathaangi.com 9447262817