Arogya Rakshayude maithree bhavangal

🌲ആരോഗ്യരക്ഷയുടെ മൈത്രീഭാവങ്ങൾ🌲 🙏രാജീവ്‌മാഷുമായി (അക്യൂപ്രഷർ ചികിത്സകൻ) ഒരു സംവാദം🙏 ജൂലൈ 25, 2026 രാവിലെ 10.30 ന് കളരിവിദ്യാ പഠനകേന്ദ്ര ഹാർബർ റോഡ്, ചോമ്പാല, വടകര വിശദവിവരങ്ങൾ 9447262817 https://pillathaangi.blogspot.com/?m=1 ജനകീയ ആരോഗ്യരക്ഷാ വിചാരകേന്ദ്രം

പഞ്ചപക്ഷി ജ്യോതിഷ ശില്പശാല

https://www.facebook.com/share/p/1B3enzmQEH/ 🌲പഞ്ചപക്ഷിജ്യോതിഷ ശില്പശാല🌲 (ആസൂത്രണം) പഞ്ചപക്ഷിവിദ്യയെക്കുറിച്ച് അടുത്തുതന്നെ വടകരയിൽ ഒരു ദ്വിദിന ശില്പശാല നടത്താനുദ്ദേശിക്കുകയാണ്. അതിൽ വിഷയാവതാരകരായും നിരീക്ഷകരായും പങ്കെടുക്കാനാഗ്രഹിക്കുന്നവർ ബന്ധപ്പെടാൻ താല്പര്യപ്പെടുന്നു. വളരെ പ്രാചീനമായ ഒരു സുഭാശുഭ (മുഹൂർത്ത) കാലഗണനാ രീതിയെയാണ് പഞ്ചപക്ഷിശാസ്ത്രമെന്ന് പറയുന്നത്. ഇന്ന് പ്രചാരത്തിലുള്ള ജ്യോതിഷ രീതികളിൽനിന്ന് പലനിലകളിലും വിഭിന്നമാണത്. ഇക്കാലത്ത് അതിന്റെ പ്രയോഗരീതികൾ തീരേയില്ലാതായിട്ടുണ്ട്. അതിനെക്കുറിച്ചുള്ള കേട്ടുകേൾവിതന്നെ അപൂർവ്വമാണ്. അഗസ്ത്യമുനിയുടെ പേരിലുള്ള പഞ്ചസൂത്രം 500 എന്ന കൃതിയിൽ പ്രധാനമായി വിവരിക്കപ്പെടുന്ന ഒരു വിഷയമാണ് പഞ്ചപക്ഷി. തമിഴ് സിദ്ധപാരമ്പര്യത്തിൽവരുന്ന ഒരു പ്രോയോഗവഴക്കാമായാണ് ഒറ്റപ്പെട്ട നിലയിലെങ്കിലും അതിനെക്കുറിച്ച് പറഞ്ഞുവരുന്നതും ഭാഗികമായി ഉപയോഗത്തിലുള്ളതും. 'വേദ ജ്യോതിഷ'ത്തിന്റെ ഒരു രൂപമാണതെന്ന് ചിലരൊക്കെ പറയുന്നുണ്ടെങ്കിലും തമിഴക സംസ്കൃതിയിലാണതിന്റെ ആഴത്തിലുള്ള വേരോട്ടമുള്ളത്. ഹോരാ സംഹിതയിലും ഫലജ്യോതിഷ പാരമ്പര്യത്തിലും അതിനെക്കുറിച്ചുള്ള പരാമർശമെന്തെങ്കിലുമുള്ളതായി കാണാനായിട്ടില്ല. ഫലപ്രവചനമെന്നതിനേക്കാൾ പഞ്ചഭൂതാത്മകമായ പ്രപഞ്ചശക്തികളും ജീവജാലമൂലകങ്ങളും തമ്മിലുള്ള സ്വാധീനബന്ധത്തിന്റെ തോത് അല്ലെങ്കിൽ അനുകൂലപ്രതികൂലാവസ്ഥകൾ ഗണിച്ചെടുക്കുന്നതിനാണത്തിൽ പ്രാധാന്യമെന്നാണ് തോന്നിയത്. സിദ്ധപാരമ്പര്യത്തിലെ വൈദ്യം, മാന്ത്രികം, ആത്മീയത, ധർമ്മികത, മനോവിചാരം എന്നിവയുമായി ബന്ധപ്പെട്ട അറിവുശകലങ്ങളും പ്രയോഗങ്ങളുമായി അവശേഷിക്കുന്ന പഞ്ചപക്ഷിവിദ്യയെക്കുറിച്ചുള്ള സവിശേഷമായ മൗലിക ഗ്രന്ഥങ്ങളോ ആധികാരിക പഠനങ്ങളോ കണ്ടിട്ടില്ല. പ്രകൃതിപ്രപഞ്ച ശക്തികളും ജീവജാലങ്ങളും തമ്മിലുള്ള പാരസ്പര്യത്തെ മനസ്സിലാക്കിക്കൊണ്ടുള്ള പലതരം വിശ്വാസ, ധാർമിക, അനുഷ്ഠാന പദ്ധതികളും മാനവരാശി വികസിപ്പിച്ചെടുത്തിട്ടുണ്ട്. അവന്റെ പ്രാചീനകാല അതിജീവനമാർഗ്ഗമെന്നനിലയിലുണ്ടായ വിദ്യകൾ പലതും പിൽക്കാലത്ത് അപ്രസക്തമായിട്ടുണ്ട്. ആ രീതിയിൽ വികസിക്കപ്പെട്ട ഒന്നാകാം ജ്യോതിഷ ചിന്തകൾ. അതിന്റെ പല പല വകഭേദങ്ങൾ എല്ലാസംസ്കാരങ്ങളിലും നിലനിന്നിരുന്നതായി കാണുന്നുണ്ട്. അങ്ങനെയൊരു രീതിയുടെ അവശേഷിപ്പകാം പഞ്ചാപക്ഷിയുടേത്. ജ്യോതിഷം ശാസ്ത്രീയമാണോ കപടവിദ്യയാണോ എന്ന ചർച്ചയുടെ പരിസരത്തിൽനിന്നുകൊണ്ടല്ലാതെ ഒരു പ്രാചീന ജനവിദ്യാപാരമ്പര്യത്തെ മനസിലാക്കുന്നതിനും അതിൽ അതിജീവനപരമായ ഉൾക്കാഴ്ചകൾ വല്ലതുമുണ്ടോയെന്ന് അന്വേഷിക്കുന്നതിന്റെ താല്പര്യത്തിൽ നിന്നുകൊണ്ടാണ് ഈ ശില്പശാല നടത്തുന്നത്. ശ്രീ. വലിയറത്തല ശ്രീധരൻ നായർ മൊഴിമാറ്റംചെയ്ത (1960) അഗസ്ത്യർ പഞ്ചസുത്രം 500 എന്നകൃതിയുടെ പ്രസിദ്ധീകരണത്തിന്റെ ഭാഗമായിട്ടുകൂടിയാണ് ഈ പരിപാടി. വിശദവിവരങ്ങൾ : 9447262817

പ്രകൃതി ജീവന സഹവാസം PRAKRUTHI JEEVANA SAHAVASAM

അതിജീവനവിദ്യകളുടെ അതിജീവനം athijeevanavidya

https://www.facebook.com/share/p/1BQCuDxJyN/ 🌲🌹🌲🌹🌲🌹🌲🌹🌲 അതിജീവനവിദ്യകളുടെ അതിജീവനം 🌲🌹🌲🌹🌲🌹🌲🌹🌲 🌲ജനകീയവൈദ്യത്തെ വീണ്ടെടുക്കാനാകുമോ? 🌲 https://www.facebook.com/share/p/1EThCxQUb7/ പിള്ളതാങ്ങി : ജനകീയ ആരോഗ്യരക്ഷാ വിചാരകേന്ദ്രം കൂട്ടായ്മ https://chat.whatsapp.com/H8vfJHSX2K09ZdkkESIDJm?s=cl&p=a&ilr=0&amv=2 https://www.facebook.com/share/p/1Gsj5kZWvT/ https://www.facebook.com/share/p/1MUrBPqNTU/ https://www.facebook.com/share/p/1BfKywHfhM/ https://www.facebook.com/share/p/1BWoeJU7mp/ 2026 മെയ്യ് മാസം നടത്തിയ അതിജീവനവിദ്യാ ശില്പശാലയുടെ തുടർച്ചയായി ചെയ്യാവുന്ന ധാരാളം കാര്യങ്ങളുണ്ട്. മരുന്നില്ലാ വൈദ്യത്തിന്റെയും രോഗപ്രതിരോധത്തിന്റെയും മാർഗ്ഗങ്ങളിലൂടെ അടിയന്തിരമായി ചെയ്തു തുടങ്ങാവുന്ന കാര്യങ്ങളെന്തൊക്കെയാകുമെന്നാണ് നമുക്കാലോചിക്കാനുള്ളത്. അവക്ക് പ്രാദേശികമായ പ്രാധാന്യം മാത്രമല്ലയുള്ളത്. മനുഷ്യരുടെയും പ്രകൃതിയുടെയും നിലനിൽപ്പ് പലരീതികളിലുള്ള ഭീഷണികൾ നേരിട്ടുവരികയാണല്ലോ. കാലാവസ്ഥാ പ്രശ്നങ്ങളായും രോഗങ്ങളായും അതിന്റെ സൂചനകൾ പലതും നമ്മുടെ നിത്യജീവിതത്തിലേക്ക് വന്നെത്തിയിട്ട് കാലമേറെയായി. അതൊന്നിനെയും അല്പംപോലും പരിഗണിക്കാതെയാണ് അതിജീവനപ്രശ്നങ്ങൾ മൂർച്ചിപ്പിക്കുന്ന വികസന പദ്ധതികൾ വികസിപ്പിച്ചുകൊണ്ടിരിക്കുന്നത്. അതിന്റെ കുത്തകക്കുവേണ്ടി നടക്കുന്ന മത്സരങ്ങളാണ് പലരീതികളിലുള്ള യുദ്ധങ്ങൾ ആഗോളതലത്തിൽ നടന്നുകൊണ്ടിരിക്കുന്നത്. അതിലേർപ്പെട്ട ലോകശക്തികളുടെ തട്ടിപ്പുകൾക്ക് കൂട്ടിക്കൊടുപ്പുകാരായി നിന്നാൽകിട്ടുന്ന ആനുകൂല്യങ്ങൾക്കുവേണ്ടിയാണ് മറ്റ് ചെറുരാജ്യങ്ങളും വിനാശത്തിന്റെ വികസനപാതയിൽത്തന്നെ, അതിന്റെ പ്രാദേശികതല നടത്തിപ്പുകാരായി പ്രവർത്തിച്ചുകൊണ്ടിരിക്കുന്നത്. സാധാരണക്കാർക്ക് സ്വന്തംനിലയിൽ തങ്ങളുടെ ആരോഗ്യവും സ്വാതന്ത്ര്യവും നിലനിർത്താൻ അനുവദിക്കാത്ത പദ്ധതികളാണ് ഓരോദിവസവും ഇവിടെ അടിച്ചേൽപ്പിക്കപ്പെടുന്നത്. അതിൽ ഏറ്റവും അപകടകരമായ കാര്യങ്ങളാണ് ആധൂനിക വൈദ്യത്തെ കേന്ദ്രീകരിച്ചുള്ള ആരോഗ്യനയ പരിപാടികൾ. ജനകീയ ആരോഗ്യപദ്ധതികൾ എന്നുപറഞ്ഞുകൊണ്ട് നടപ്പാക്കുന്ന അത്തരം കാര്യങ്ങൾ എത്രത്തോളം ജനാരോഗ്യരക്ഷയെ സഹായിക്കുന്നതാണെന്ന് നമുക്ക് നിത്യജീവിതത്തിനിന്ന് തിരിച്ചറിയാനാകുന്നുണ്ടല്ലോ. അതുകൊണ്ടാണ് അടിയന്തിര ഘട്ടത്തിലല്ലാതെ ആശുപത്രികളിലേക്കും മരുന്നുചികിത്സകളിലേക്കും ഓടിപ്പോകാതെയുള്ള ആരോഗ്യരക്ഷയെക്കുറിച്ച് നമുക്ക് സഗൗരവം ആലോചിക്കേണ്ടിവരുന്നത്. നമ്മുടെ നിലനിൽപ്പിനെ സഹായിക്കാൻ വലിയ രക്ഷകരാരും ഉണ്ടാകില്ലന്ന തിരിച്ചറിവുണ്ടെങ്കിലേ പാവപ്പെട്ടവർക്ക് സ്വയംപ്രതിരോധിക്കാനാവുന്ന മാർഗ്ഗങ്ങളെക്കുറിച്ച് ആലോചിക്കാനാവുകയുള്ളൂ. നമ്മുടെ ചുറ്റുപാടുകളിൽത്തന്നെയുള്ള അതിജീവനമാർഗ്ഗങ്ങളെങ്കിലും ഇനിയും നഷ്ടപ്പെട്ടുപോകാതെ സംരക്ഷിച്ചു പോഷിപ്പിക്കുന്നതാകും വിവേകം. അല്ലെങ്കിൽ അവകൂടി തിരിച്ചുപിടിക്കാനാകാത്തവിധം അന്യനിന്നുപോയേക്കാം. ഇന്ന് അപകടകരമായ വിധത്തിൽ നഷ്ടമായിക്കൊണ്ടിരിക്കുന്ന നമ്മുടെ കായികാരോഗ്യക്ഷമതാ നിലവാരത്തെക്കുറിച്ച്, പ്രത്യേകിച്ച് കുട്ടികളുടെയും സ്ത്രീകളുടെയും, വളരെയേറെ ശ്രദ്ധിക്കേണ്ടതാണ്. കായികാരോഗ്യരക്ഷക്കുവേണ്ടി അടിയന്തിരമായി ചെയ്യാവുന്ന ഒരുകാര്യം, ചോമ്പാലയിൽ ആരംഭിക്കാൻ പോകുന്ന ആരോഗ്യരക്ഷാകേന്ദ്രത്തിൽ പ്രവർത്തിക്കുന്ന കളരിവിദ്യാപ്രവർത്തനത്തെ ഉപയോഗപ്പെടുത്താൻ വേണ്ടിയാകണം. യുദ്ധമുറയായും നാടൻകലയായും ചൂഷണംചെയ്ത് ഇല്ലാതാക്കപ്പെട്ടുകൊണ്ടിരിക്കുന്ന അതിന്റെ യഥാർത്ഥ സമ്പത്തുകൾ വീണ്ടെടുക്കുന്നതിനെക്കുറിച്ചാണ് നമുക്ക് അടിയന്തിരമായി ചിന്തിക്കാനുള്ളത്. പ്രത്യേകിച്ച് ചെറിയ കുട്ടികളുടെ കായികശേഷി പോഷിപ്പിക്കുന്നതിനെ മുൻനിർത്തിക്കൊണ്ട്. (തുടരും) https://www.facebook.com/share/p/1BeGkK2hHU/ 9447262817 www.pillathaangi.blogspot.com

ജനകീയവൈദ്യത്തെ വീണ്ടെടുക്കാനാകുമോ

🌲ജനകീയവൈദ്യത്തെ വീണ്ടെടുക്കാനാകുമോ? 🌲 https://www.facebook.com/share/p/1EThCxQUb7/ മൂന്ന് വലിയ വൈദ്യ സമ്പ്രദായങ്ങളിലെ വൈദ്യന്മാർ (ഡോക്ടർമാർ) ഉള്ള ഒരു വീട്ടിലെ അമ്മക്ക് കാലിന് ഒരസുഖമുണ്ടായിരുന്നു. മൂന്നുപേരും അവരുടെ രീതികളെല്ലാം നോക്കിയിട്ടും ഫലിച്ചില്ല. ഒരു ദിവസം ആ വീട്ടിൽ അടുക്കളപ്പണിക്ക് വരുന്ന ചേച്ചി അല്പം പരുങ്ങലോടെ അമ്മയോട് ചോദിച്ചു: "എല്ലാരും നോക്കീട്ട് നടക്കാതെപോയ കാര്യമല്ലേ. ഇങ്ങനെത്തെ പ്രശ്നമുണ്ടായാൽ ഞങ്ങളൊക്കെ ചെയ്യുന്ന ഒരു കാര്യമുണ്ട്. ഞാനതൊന്ന് ചെയ്തുനോക്കിക്കോട്ടെ?" അവർക്കറിയുന്ന മരുന്നുചെടി പ്രയോഗിച്ചുനോക്കിയപ്പോൾ ഫലംകണ്ടു. ഇതൊരു കെട്ടുകഥയല്ല. ഒരു സുഹൃത്തിന്റെ അമ്മയായിരുന്നു ഇവിടുത്തെ രോഗി. അവർതന്നെ പറഞ്ഞറിഞ്ഞ കാര്യമാണിത്. ഇതിലെ രോഗത്തിന്റെയോ മരുന്നിന്റെയോ വിശദാമ്ശങ്ങളൊന്നും ഓർമ്മയില്ല. ഈ 'കഥ'യിലേതുപോലെ വിസ്മയകരമായ ധാരാളം അനുഭവങ്ങളെക്കുറിച്ച് പലരും കേട്ടിട്ടുണ്ടാകാം. നിസ്സാരമായ ഒരു കാര്യത്തിനുപോലും സങ്കീർണ്ണമായ ചികിത്സകൾക്കായി വലിയ വലിയ ആശുപത്രികളിലേക്ക് ഓടിപ്പിടിച്ചു പോകേണ്ടിവരുന്ന ഒരു സാഹചര്യമാണ് ഇപ്പോഴുള്ളത്. അങ്ങനെയല്ലാതെ ആശ്വാസം തേടാൻ കഴിഞ്ഞിരുന്ന ഒരു ആരോഗ്യരക്ഷാ സംസ്ക്കാരം ഇവിടെയുണ്ടായിരുന്നുവെന്ന് സൂചിപ്പിക്കാനാണ് മുകളിലെ കഥ പറഞ്ഞത്. എല്ലാ വലിയ ചികിത്സകളുംനടത്തി മുടിഞ്ഞശേഷമാണ് ഇന്ന് നാമെല്ലാം പാരമ്പര്യക്കാരെയും പ്രകൃതിക്കാരെയും തേടിപ്പോകുന്നത്. അങ്ങനെയൊരവസ്ഥക്കുപകരം ലളിതമാർഗ്ഗത്തിലൂടെയുള്ള പരിശോധനകൾ നടത്തിപ്പോകാനാകുന്ന ഒരു സാഹചര്യമുണ്ടാക്കാനാകുമോ? അതിനായുള്ള ചെറിയ ശ്രമങ്ങൾ തുടങ്ങിവെക്കാനാകുമോ? താല്പര്യമുള്ളവർക്ക് കുട്ടിക്കാലംമുതൽക്കേ ലളിതമായ ആരോഗ്യരക്ഷബോധമുണ്ടാക്കാൻ കഴിയുന്ന പരിപാടികളെക്കുറിച്ച് ആലോചിക്കാനാകുമോ? പുസ്തകങ്ങളിലൂടെയും ബിരുദങ്ങളിലൂടെയും മാത്രമാണ് വൈദ്യന്മാരാകാൻ പറ്റുന്നതെന്ന വിചാരത്തെ തിരുത്താനാകുമോ? പിള്ളതാങ്ങി : ജനകീയ ആരോഗ്യരക്ഷാ വിചാരകേന്ദ്രം കൂട്ടായ്മ 9447262817 pillathaangi.blogspot.com/?m=1 https://chat.whatsapp.com/H8vfJHSX2K09ZdkkESIDJm?s=cl&p=a&ilr=0&amv=2 https://www.facebook.com/share/p/1Gsj5kZWvT/ https://www.facebook.com/share/p/1MUrBPqNTU/ https://www.facebook.com/share/p/1BfKywHfhM/ https://www.facebook.com/share/p/1BWoeJU7mp/

മരുന്നില്ലാ വൈദ്യം

https://www.facebook.com/share/p/1EThCxQUb7/

ജനകീയ ആരോഗ്യരക്ഷാ പ്രവർത്തങ്ങൾ

🌲ആരോഗ്യരക്ഷാ പ്രവർത്തകർ ഉണ്ടാകുന്നതെങ്ങനെ?🌲 രോഗചികിത്സയെ കേന്ദ്രീകരിച്ചുള്ള ആരോഗ്യരക്ഷാസംവിധാനങ്ങളാണല്ലോ ഇന്ന് ഏറെയും പ്രചാരത്തിലുള്ളത്. ഒരു രോഗത്തെ ചികിത്സിക്കുന്നതുവഴി പുതിയ പല രോഗങ്ങളുമുണ്ടാകുന്നതിന്റെ ആഭാസത്തരമാണ് രോഗപ്രതിരോധനചിന്തയുടെ ഇന്നത്തെ ഉയർത്തെഴുന്നേൽപ്പിനുകാരണമെന്നുപറയാം. ചികിത്സാജന്യരോഗങ്ങൾ മിക്കവാറും മരുന്നാശ്രിത, മരുന്നുമാത്ര ആരോഗ്യരക്ഷാരീതിയുടെ ഫലമായുണ്ടാകുന്നതാണ്. രോഗചികിത്സയെക്കാൾ രോഗപ്രതിരോധമാണ് വേണ്ടതെന്ന ആദർശം മിക്കവാറും എല്ലാതരം വൈദ്യവ്യവസായങ്ങളെയും കാപട്യമായി മാറിയിട്ടുണ്ട്. പ്രത്യേകിച്ച് ആധൂനിക ചികിത്സാക്കൊള്ളക്കെതിരെയെന്നു പറഞ്ഞുകൊണ്ടുവരുന്ന 'ബദൽവൈദ്യ' (പാരമ്പര്യവൈദ്യ വ്യവസായത്തിന്റെ) പ്രസ്ഥാനങ്ങളുടെ ഭാഗത്തു നിന്നുള്ളത്. അത്തരം പകൾക്കൊള്ളകളിൽനിന്നും ആദർശ കാപട്ട്യങ്ങളിൽനിന്നും ആശ്വാസം കണ്ടെത്താനുള്ള ജനകീയവഴികളെക്കുറിച്ചാലോചിക്കാൻ നാം നിർബന്ധിതരാവുകയാണ്. എല്ലാ വൈദ്യ സമ്പ്രദായങ്ങളിലും ആരോഗ്യരക്ഷയുടേതായ നിരവധി മാർഗ്ഗങ്ങൾ ഉള്ളടങ്ങിയിട്ടുണ്ട്. എന്നാലവക്കൊന്നുമല്ല ഇന്നത്തെ ആരോഗ്യവ്യവസായം പ്രാധാന്യം കൽപ്പിക്കുന്നത്. അതുകൊണ്ട്, ജനകീയ ആരോഗ്യരക്ഷാ വിചാരാകേന്ദ്രത്തെക്കുറിച്ചാലോചിക്കുമ്പോൾ അത്തരം കാര്യങ്ങൾ വീണ്ടെടുക്കാനുള്ള ചിന്തക്കുതന്നെയാകണം മുൻഗണനകൊടുക്കേണ്ടതെന്നുതോനുന്നു. നിലവിലത്തെ വ്യവസ്ഥകൾക്കുള്ളിലുള്ള അത്തരമൊരുധാരയെ വീണ്ടുക്കാനുള്ള മാർഗ്ഗങ്ങൾ എന്തൊക്കെയാകും? അത്‌ വ്യവസ്ഥകൾക്കുള്ളിലുള്ളവർക്ക് കഴിയുമോ? ബഹ്യമായ ഇടപെടലുകളിലൂടെ വ്യവസ്ഥകളെ തിരുത്തിക്കാനാക്കുമോ? അല്ല പൂർണ്ണമായും വ്യവസ്ഥകൾക്ക് പുറത്തു നിന്നുകൊണ്ടാകുമോ അത്‌ സാധ്യമാക്കാനാവുക? ഇത്തരം ചോദ്യങ്ങൾക്കുമുന്നിൽ നിന്നുകൊണ്ടാണ് ജനകീയ ആരോഗ്യരക്ഷയെക്കുറിച്ച് ചിന്തിക്കേണ്ടത്. അതിന്റെ ഭാഗമായാണ് നിലവിലുള്ള ആരോഗ്യരക്ഷാ പ്രവർത്തകർ ഉണ്ടാകുന്നതെങ്ങനെയെന്ന ചോദ്യമുയരുന്നത്. അല്ലെങ്കിൽ, ഇന്ന് അനിവാര്യമാകുന്ന ജനകീയമായ ആരോഗ്യരക്ഷാ പ്രവർത്തനത്തെയും പ്രവർത്തകരെയും ഉണ്ടാക്കാനാകുന്നതെങ്ങനെയെന്ന ചോദ്യമുയരേണ്ടത്. അഭിപ്രായ നിർദ്ദേശങ്ങൾ താല്പര്യപ്പെടുന്നു. (പിള്ളതാങ്ങി - ജനകീയ ആരോഗ്യരക്ഷാ വിചാരകേന്ദ്രം കൂട്ടായ്മ) https://chat.whatsapp.com/H8vfJHSX2K09ZdkkESIDJm?s=cl&p=a&ilr=0&amv=2 https://www.facebook.com/share/p/1Gsj5kZWvT/ https://www.facebook.com/share/p/1MUrBPqNTU/ https://www.facebook.com/share/p/1BfKywHfhM/ വിശദവിവരങ്ങൾക്ക് : 9447262817 www.pillathaangi.blogspot.com