KALARIYAVIRAI PALASAKALANGAL - ON BOOK RELEASING

 ഉടൻ പ്രസിദ്ധീകരിക്കുന്നു...

കളരിയാവിരൈ പലശകലങ്ങൾ
അഥവാ
കളരിവിദ്യയുടെ പലമയും പയമയും
(ഒന്നാംഭാഗം)

സമ്പാദകൻ:
പി. കെ. ശശിധരൻ
...............

https://www.facebook.com/share/p/18NVGNTHDy/

കളരിവിദ്യയെക്കുറിച്ച് നിലവിലുള്ള ചരിത്ര, സാംസ്‌കാരിക ധാരണകൾ തിരുത്തിയെഴുതാൻ സഹായിക്കുന്ന  സമഗ്രമായ ഗവേഷണത്തെളിവുകളും മറ്റ് വിവരങ്ങളും സമാഹരിച്ചിട്ടുള്ള ഒരു പുസ്തകമാണിത്.

കളരിവിദ്യയെപ്പറ്റി രാജശാസനങ്ങളും ഐതിഹ്യങ്ങളും മാത്രം വെച്ചുകൊണ്ടുള്ള  ഭാഗികമായ കഥകളാണിപ്പോൾ  പ്രചരിപ്പിച്ചുകൊണ്ടിരിക്കുന്നത്.

അതിനുപരി പാരമ്പര്യത്തിനുള്ളിൽനിന്നുള്ള വിവരങ്ങളാണിവിടെ ശേഖരിച്ചിട്ടുള്ളത്.

ഒന്നാം തമിഴ്സംഘകാലത്തെ (കി. മു. 400-300) നഷ്ടപ്പെട്ടതെന്നനിലക്കാണ്  കളരിയാവിരൈയെക്കുറിച്ച് പറഞ്ഞുവരുന്നത്.

കളരിയാവിരൈ 'ഒരു ദ്രാവിഡ
വൈദ്യശാസ്ത്ര ഗ്രന്ഥ'മാണെന്ന് (ആരോഗ്യരക്ഷാവിദ്യയാണെന്ന്) ചില സംഘസാഹിത്യ ചരിത്രത്തിൽ കാണുന്നുണ്ട്.

പാരമ്പര്യ അറിവുരൂപങ്ങളെ,  പ്രയോഗമുറകളായാണ് കണ്ടുവന്നിരുന്നത്.  'മുറൈ', 'വിരൈ', 'നൂൽ' എന്നിങ്ങനെയായിരുന്നു
പ്രാചീന തമിഴ് ശാസ്ത്രവിദ്യകളെ കണ്ടിരുന്നത്.

അങ്ങനെയുള്ള പ്രയോഗവഴക്കങ്ങളും മൊഴിവഴക്കങ്ങളും
ഇന്നും പ്രചാരത്തിലിക്കുന്നുണ്ടെന്ന് കാണിക്കുകയാണിവിടെ.  ചിതറിപ്പോയ
കളരിയാവിരൈ പാരമ്പര്യത്തിന്റെ പലശകലങ്ങളാണ് ഇതിൽ സമാഹരിക്കുന്നത്.  .

പാരമ്പര്യക്കാരുടെ  അനുഭവങ്ങളും തെളിവുകളും ശേഖരിച്ചുകൊണ്ടുള്ള ഒരു പുസ്തക പരമ്പരയാണിത്..

ജനങ്ങൾക്ക്‌ കളരിപ്പയമയെക്കുറിച്ചെഴുതാനുള്ള ഒരവസരംകൂടിയാണ് ഇതിലൂടെയുണ്ടാക്കുന്നത്.

ഏകദേശം 500നടുത്ത പുറങ്ങളാണുണ്ടാവുക...
₹900/- വില പ്രതീക്ഷിക്കുന്നു ₹200/- മുൻകൂട്ടിയടക്കുന്നവർക്ക് 20% കിഴിവുണ്ടാകും.

ഇതിലെ വിവിധ അധ്യായങ്ങൾ ചെറിയ പുസ്തകങ്ങളായും പ്രസിദ്ധീകരിക്കുന്നുണ്ട്...

വിശദവിവരങ്ങൾക്ക്:

കളരിയാവിരൈ വാട്സാപ്പ് കൂട്ടായ്മയിൽ അംഗങ്ങളാവുക...

https://chat.whatsapp.com/ExVZEkDcX3V4AC7AddAaL9

പിള്ളതാങ്ങി പൊത്തകം
Gpay no- 8281525817@okbizaxis

http://pillathaangi.blogspot.com/
www.pillathaangi.com
9447262817

VAIDYARASAVADA ASOOTHRANA SILPASALA

 വൈദ്യരസവാദ ശില്പശാല 

ആസൂത്രണം 

കഴിഞ്ഞവർഷം താൽക്കാലികമായി  നിറുത്തിവെച്ച വൈദ്യരസവാദ ശില്പശാല പരിപാടി തുടരുന്നതിനെക്കുറിച്ച് ആലോചിക്കുകയാണ്. പാരമ്പര്യവഴിയിൽ ദീർഘകാലാടിസ്ഥാനത്തിൽ നടത്തിവരുന്ന തമിഴ് മരുത്തുവ പരിശീലനത്തിന്റെ ഭാഗമായാണ് ഈ പരിപാടി.  വൈദ്യരസവാദ വിഷയത്തിന്റെ ഗൗരവത്തോടെ തുടർപരിപാടികളിൽ പങ്കെടുക്കാൻ താല്പര്യമുള്ളവരുടെ സൗകര്യങ്ങൾക്കനുസരിച്ചാകും 

ശില്പശാലകൾ സംഘടിപ്പിക്കുന്നത്. ആ നിലയിൽ പങ്കെടുക്കാൻ താല്പര്യമുള്ളവർ ഒത്തുചേർന്നുള്ള രണ്ടുനാൾ ആസൂത്രണ ശില്പശാലയാണ് ആദ്യം നടത്തുന്നത്. 

വിഷയത്തിൽ തുടക്കക്കാർ,  മുൻപരിചയമുള്ളവർ, ഗവേഷകർ, പൊതുതാൽപ്പര്യക്കാർ എന്നിങ്ങനെയുള്ളവരുടെ പ്രത്യേക ആവശ്യത്തിനനുസരിച്ചുള്ള ശിൽപ്പിശാലകളാകും ആസൂത്രണം ചെയ്യുന്നത്. ആവശ്യമായ വിധത്തിൽ ബന്ധപ്പെട്ട വിഷയങ്ങളിലെ വിദഗ്ധർ പങ്കെടുക്കുന്നതാണ്. കേരളം, തമിഴ്നാട്, ആന്ധ്ര എന്നിവിടങ്ങളിലുള്ള  പാരമ്പര്യഗുരുക്കന്മാരുടെ തസ്ഥലങ്ങളിലും   പരിപാടികൾ നടത്താനുള്ള ആലോചനയുണ്ട്. തമിഴ് ശാസ്ത്രങ്ങളുടെ അടിസ്ഥാനത്തിലുള്ള വിദ്യാവിനിമയ പരിപാടിയായതുകൊണ്ട് തമിൾമൊഴി പരിശീലനവും ഇതിന്റെ ഭാഗമായുണ്ടാകും. 

. 

2025 മെയ് അവസാനവാരത്തിലാകും ആസൂത്രണ ശില്പശാല പരിപാടി. 

വിശദവിവരങ്ങൾക്ക്:

9447262817

http://pillathaangi.blogspot.com/

www.pillathaangi.com

തമിൾ വൈദ്യരസവാദ സംവാദം

Follow this link to join my WhatsApp group: https://chat.whatsapp.com/HQmeYgXo4URLqIBWWbL9Z6

അഭ്യർത്ഥന

 അഭ്യർത്ഥന

പിള്ളതാങ്ങി പൊത്തകം, കളരിയാവിരൈയെക്കുറിച്ച് പ്രസിദ്ധീകരിക്കുന്ന ഒരു പുസ്തകത്തിന്റെ പേരിനെക്കുറിച്ചുള്ള അഭിപ്രായങ്ങളറിയാൻ താല്പര്യപ്പെടുന്നു. 

"കളരിയാവിരൈ പല ശകലങ്ങൾ അഥവാ കളരിവിദ്യയുടെ നാനാത്വം"

എന്ന പേരാണ് ഇപ്പോഴിട്ടിരിക്കുന്നത്. പുസ്തകത്തിന്റെ രണ്ടാമത്തെ പേരിൽ ചെറിയ മാറ്റം ആയാലോ എന്നാലോചിക്കുന്നു. 

ഇതിൽ 'നാനാത്വം' എന്നതിനോട് ചില സുഹൃത്തുക്കൾ അതൃപ്തി പ്രകടിപ്പിച്ചിട്ടുണ്ട്. 

'വൈവിധ്യം' എന്നതാണ്  അതുകൊണ്ട് ഉദ്ദേശിച്ചത്. അത് ഒഴിവാക്കാനായിരുന്നു നാനാത്വം എന്നുവെച്ചത്.    

കളരിവിദ്യയെന്നാൽ അയോധനമുറമാത്രമായി കാണുന്ന/പറയുന്ന ന്യൂനീകാരണ യുക്തിയെ മറികടക്കാനായിരുന്നു നാനാത്വം എന്നുപയോഗിച്ചത്.  അതിന് പകരം മെച്ചപ്പെട്ട മറ്റെന്താവാം? 

 'കളരിവിദ്യയുടെ പലമയും പയമയും' എന്നരീതിയിൽ ആയാലോ എന്നാലോചിക്കുന്നു. 

'കളരിയാവിരൈ'യെന്നും 'കളരിവിദ്യ'യെന്നും തലക്കെട്ടിൽ ഉണ്ടാകേണ്ടതുണ്ട്. 

 നഷ്ടപ്പെട്ടെന്ന് പറയപ്പെടുന്ന കളരിയാവിരൈ എന്ന ഗ്രന്ഥവും അറിവു പാരമ്പര്യവും നഷ്ടപ്പെട്ടപ്പെട്ടിട്ടില്ലെന്നും വിവിധ കളരിവിദ്യാ, മർമ്മാശാസ്ത്ര, സിദ്ധവിദ്യാ പാരമ്പര്യങ്ങളിൽ അത് നിലനിൽക്കുന്നുണ്ട് (അയോധനവിദ്യയെന്ന് തെറ്റായിപ്പറയുന്ന കളരിപ്പയറ്റിൽ മാത്രമല്ല) എന്നും പറയാനാണ് ഉദ്ദേശിക്കുന്നത്. കളരിവിദ്യയുടെ പയമ പന്ത്രണ്ടാം നൂറ്റാണ്ടിലെ നാട്ടു രാജ്യങ്ങളുടെ യുദ്ധങ്ങളിൽ നിന്നല്ല തുടങ്ങുന്നത് എന്നാണ് സംഘസാഹിത്യ ശബ്ദമായ കളരിയാവിരൈയുടെ ആശയലോകത്തിലൂടെ കടന്നുപോകുമ്പോൾ മനസ്സിലാക്കാനാകുന്നത്. 

ചിതറിപ്പോയ കളരിയാവിരൈ പാരമ്പര്യത്തിന്റെ ശകലങ്ങൾ കാണിക്കാൻ പറ്റുന്ന വിവരങ്ങൾ വിവിധ എഴുത്തുകൾ, രേഖകൾ, വായ്മൊഴി സാഹിത്യങ്ങൾ, പാരമ്പര്യ വഴക്കങ്ങൾ എന്നിവയിൽ നിന്ന് ശേഖരിക്കുന്ന ഒരു പദ്ധതിയായിട്ടാണ് ഈ പുസ്തകത്തെ കാണുന്നത്. കേരളത്തിന്റെ തമിഴക പശ്ചാത്തലത്തിലേക്ക് പോയിക്കൊണ്ടുള്ള തമിഴ്‌ വിദ്യകളുടെ ശകലങ്ങളാണ് ഒന്നാംഭാഗത്ത് പ്രധാനമായും ഉള്ളത്. . 

 ഒരു പരമ്പരയായി ശേഖരിച്ചു പ്രസിദ്ധീകരിക്കേണ്ടുന്ന ഈ വലിയ പദ്ധതിയുടെ മറ്റുഭാഗങ്ങൾ ഇനിയും  തയ്യാറാക്കേണ്ടതുണ്ട്. തുടർന്നുള്ള ഭാഗങ്ങളിൽ ഉൾപ്പെടുത്താവുന്ന വിവരങ്ങളും അവക്കുവേണ്ട വിശദീകരണകുറിപ്പുകളും നൽകാൻ താല്പര്യമുള്ളവരെക്കൂടി പങ്കെടുപ്പിക്കാവുന്ന ഒരു കൂട്ടുസംരംഭമായി ഇതിനെ മാറ്റാനും ഉദ്ദേശിക്കുന്നുണ്ട്. 

എത്ര ചെറിയ വിവരങ്ങളായാലും അവ നൽകുന്നവരോടുള്ള കടപ്പാട് രേഖപ്പെടുത്തിക്കൊണ്ടായിരിക്കും പുസ്തകത്തിൽ ഉൾപ്പെടുത്തുക. ഇങ്ങനെയൊരു സമാഹരണ പരമ്പര തയ്യാറാക്കുന്ന പ്രവർത്തനങ്ങളിൽ പങ്കാളികളാകാൻ താല്പര്യമുള്ളവർക്ക്  സ്വാഗതം. 

അഭിപ്രായ നിർദേശങ്ങൾ പ്രതീക്ഷിക്കുന്നു. 

പിള്ളതാങ്ങി പൊത്തകം

9447262817

https://pillathaangi.blogspot.com/?m=1

www.pillathaangi.com

സിദ്ധ മരുത്തുവം അട്ടിമറിക്കപ്പെടുന്നത് എന്തുകൊണ്ട്

 തമിഴ്‌ സിദ്ധ മരുത്തുവ ശില്പശാല പരിപാടികൾ അട്ടിമറിക്കപ്പെടുന്നത് എന്തുകൊണ്ട്? 

2023 നവംബർ മാസത്തിൽ വടകരയിൽ പിള്ളതാങ്ങി പൊത്തകത്തിന്റെ ആഭിമുഖ്യത്തിൽ ആരംഭിച്ച വൈദ്യ രസവാദ ശില്പശാല പരിപാടികൾക്കെതിരെ കടുത്ത എതിർപ്പുകളാണ് നേരിട്ടുകൊണ്ടിരുന്നത്. 

സിദ്ധവൈദ്യത്തിലെ ഉയർന്ന ചികിത്സാരീതിയായ വൈദ്യ രസവാദത്തെ (നീറ്റുമുറകളിലൂടെയുള്ള ഭസ്മ സിന്ദൂരാദി മരുന്നുകൾ) പുതിയ തലമുറക്ക് പരിചയപ്പെടുത്തുന്നതിനു വേണ്ടിയുള്ള ഒരു ശില്പശാല പരമ്പരയായിരുന്നു അത്. വർത്തമാനകാല ആരോഗ്യ പ്രതിസന്ധികളെ പ്രതിരോധിക്കാൻ ഏറെ സാധ്യതകളുള്ള അതിനെ അവഗണിക്കപ്പെട്ട നിലയിൽ നിന്ന് വീണ്ടെടുക്കുകകൂടിയായിരുന്നു ലക്ഷ്യം.

 ഏറെക്കാലത്തെ പരിശ്രമങ്ങൾ ആവശ്യമായ ഒരു പ്രവർത്തനത്തെ പാരമ്പര്യ വൈദ്യവിദ്യകൾ തട്ടിയെടുക്കാനുള്ള സിദ്ധവൈദ്യ, ആയുർവ്വേദ ബിരുദക്കാരുടെയും മറ്റ് അധോലോക വൈദ്യ വാണിജ്യക്കാരുടെയും ഗൂഡനീക്കങ്ങളെതുടർന്ന് 5 പരിപാടികൾക്ക് ശേഷം താൽക്കാലത്തേക്ക് നിറുത്തിവെക്കേണ്ടിവന്നു. 

 രസവാദമെന്നാൽ തങ്കവിദ്യ (ആൾക്കെമി) യാണെന്നും അത് സിദ്ധാന്മരല്ലാത്തവർക്ക് പരസ്യമായി കൊടുക്കാൻ പാടില്ലെന്നും പറഞ്ഞുകൊണ്ട് പരിപാടികൾ തുടങ്ങുന്നതിനെതിരെത്തന്നെ വലിയ കോലാഹലങ്ങളായിരുന്നു.

 പിന്നീട്, "വൈദ്യ രസവാദ"മെന്ന ഒരു ആശയം തന്നെ ശരിയല്ലന്നും രസവാദമെന്നാൽ തങ്കവിദ്യയാണെന്നും പറഞ്ഞുകൊണ്ട് ആൽക്കെമി അക്കാദമി എന്ന അന്തർദേശീയ സംഘടയുണ്ടാക്കികൊണ്ടാണ് ആക്രമണം തുടങ്ങിയത്. 

മരുന്നിന്റെ പരിപാടികൾക്ക് പകരം തങ്കം, രസമണി, നവപാഷാണശില തുടങ്ങിയ നിഗൂഢ വിദ്യകൾക്കായുള്ള ഓട്ടമായി. ഇപ്പോൾ  അതെല്ലാം "പ്രാചീന ഭാരത വൈദ്യ പൈതൃകം" എന്ന സംഘടയുടെയുടെ ഭാഗമാക്കിയാണ് നടത്താൻ തുടങ്ങിയിട്ടുള്ളത്. 

പ്രാചീന തനിത്തമിഴ് മരുത്തുവ പാരമ്പര്യത്തെ അവഗണിക്കുകയും അമർച്ചചെയ്യുകയും ചെയ്തുകൊണ്ടിരിക്കുന്നതിനോടുള്ള ഒരു പ്രതിരോധമെന്ന നിലയിൽ കുറേകാലമായി നടത്തിവരുന്ന പ്രവർത്തനങ്ങളുടെ ഭാഗമായാണ് വൈദ്യ രസവാദ പരിപാടികൾ തുടങ്ങിയത്. അതിനെയാണ് ഇപ്പോൾ അട്ടിമറിച്ചുകൊണ്ട് "പ്രാചീന ഭാരതീയ വൈദ്യ"മെന്ന നിലയിൽ അവതരിപ്പിക്കുന്നത്.

 തമിഴ്‌ സിദ്ധ മരുത്തുവത്തിലെ "ആയുൾവിദ്യ" എന്ന ആശയത്തെ ആയുർവേദമെന്ന പ്രത്യേക വൈദ്യമാക്കിമാറ്റി തമിഴ് വിദ്യയെ അവഗണിക്കാൻ തുടങ്ങിയിട്ട് നൂറ്റാണ്ടുകളേറെയായി. (ഇന്ത്യയുടെ വൈദ്യ ചരിത്രത്തിൽ തമിഴ്‌ സിദ്ധവൈദ്യമില്ല). അതിന്റെ തുടർച്ച തന്നെയാണ് ഇപ്പോഴും നടന്നുകൊണ്ടിരിക്കുന്നത്. 

ശാസ്ത്രീയതയുടെ പേരുപറഞ്ഞുകൊണ്ട് രംഗത്തുവന്നിട്ടുള്ള "പാരമ്പര്യ ബിരുദക്കാർ" ഗതിമുട്ടിയ നിലക്കാണ് അവർ യോഗ്യതയില്ലന്നു പറയുന്ന "നാട്ടുവൈദ്യ"ന്മാരിൽ നിന്ന് വിദ്യകൾ തട്ടിയെടുക്കാനായി വെപ്രാളപ്പെട്ട് ഓടിക്കൊണ്ടിരിക്കുന്നത്. അതിന്റെ ഭാഗമായാണ് തമിഴ്‌ മരുത്തുവ പരിപാടികൾ പിടിച്ചെടുത്ത് വികൃതമാക്കിക്കൊണ്ടിരിക്കുന്നത്. 

http://pillathaangi.blogspot.com/?m=1

www.pillathaangi.com

9447262817

https://www.facebook.com/share/p/1MiLxK7JMs/

96 ശരീരതത്വവിദ്യയുടെ സാധ്യതകൾ

 96 ശരീരതത്വവിദ്യയുടെ സാധ്യതകൾ 

ആമുഖം :

96 ശരീരതത്വവിദ്യയുടെ ആരോഗ്യരക്ഷാ സാധ്യതകളെക്കുറിച്ച് ആലോചിക്കുന്നതിന് വേണ്ടിയുള്ള ഒരു കുറിപ്പ് എഴുതിതുടങ്ങുന്നതിന്റെ ഭാഗമായാണ് ചുവടെ പറയുന്ന ചില പൊതുവായ കാര്യങ്ങൾ പങ്കുവെക്കുന്നത്. വിഷയത്തിൽ വിദഗ്ധരായവരുടെ അഭിപ്രായങ്ങൾ പ്രതീക്ഷിക്കുന്നു. 

96 ശരീരതത്വങ്ങളെ അടിസ്ഥാനമാക്കിയുള്ള ഒരു വിശിഷ്ടമായ ആരോഗ്യരക്ഷാ സംസ്കാരത്തിന്റെ വേരുകൾ ആഴ്ന്നിറങ്ങിയ പ്രദേശമാണ് തെന്നിന്ത്യ. തെന്നിന്ത്യയുടെ അത്തരമൊരു സാമൂഹിക, സാംസ്‌കാരിക ചരിത്ര വസ്തുതകൾ ഇനിയും സൂക്ഷതയോടെ മനസ്സിലാക്കപ്പെടുകയോ രേഖപ്പെടുത്തുകയോ ഉണ്ടായിട്ടില്ല. 

ശരീരതത്വങ്ങൾ എന്നാൽ മനുഷ്യന്റെ ശാരീരിക പ്രവർത്തനങ്ങൾ എന്ന് ലളിതമായി പറയാം. എന്നാൽ ശാരീരിക പ്രവർത്തനങ്ങളെക്കൊണ്ട് ഇവിടെ അർത്ഥമാക്കുന്നത് വെറും കായിക ശരീരത്തിന്റേത് മാത്രമെന്ന നിലക്കല്ല. 

96 ശരീരതത്വങ്ങളെന്നാൽ മനുഷ്യന്റെ ആരോഗ്യകരമായ ജീവിതത്തിന് ആധാരമാകുന്ന വിവിധ ജൈവിക ഘടകങ്ങളും അവചേർന്നുവരുന്ന ജൈവ ഘടനയുമാണ്.  അത്തരം ഘടകങ്ങളുടെ സ്വഭാവം വെച്ചുനോക്കുമ്പോൾ അവയിൽ പലതിനെയും കായിക ശരീരത്തിന്റേത് എന്നനിലയിൽ മാത്രം കാണാൻ സാധിക്കാത്തതാണ്. 96 തത്വങ്ങൾ  മനുഷ്യ ശരീരത്തിന്റെ കാര്യത്തിൽമാത്രം ബാധകമായ കാര്യമാണോ എന്നുമറിയില്ല.  

ആധുനിക ജീവശാത്രവും വൈദ്യശാസ്ത്രവും ശരീരഘടനയും ധർമ്മങ്ങളും എന്ന് വേർപിരിച്ചുകൊണ്ടാണ്  ജൈവിക പ്രക്രിയകളെ സമീപിച്ചുവരുന്നത്. അങ്ങനെയൊരു വിഭജനരീതി 96 തത്വ 

ഘടനയുമായി ബന്ധപ്പെട്ട ആലോചനകളിൽ കാണാറില്ല. ഇവിടെ കായിക ശരീരത്തിന്റേതിന് പുറമേ മാനസിക, ആത്മീയ കാര്യങ്ങൾകൂടി ഉൾപ്പെടുന്നതായി കാണുന്നുണ്ട്. ആ നിലക്ക് മാനസിക ശരീരം, ആത്മീയ ശരീരം എന്നൊക്കെപ്പറയാവുന്ന കാര്യങ്ങളെക്കൂടി അതിൽ വിഭാവനം ചെയ്യപ്പെടുന്നുണ്ടെന്ന് കരുതേണ്ടിയിരിക്കുന്നു. ആധുനിക ജീവശാത്രത്തിലും വൈദ്യശാസ്ത്രത്തിലും അവയുടെ പാരസ്പര്യത്തിന് വല്ല പ്രാധാന്യവും കല്പിച്ചിട്ടുണ്ടോ എന്നറിയില്ല. 

96 തത്വ ഘടനകങ്ങളായി പറയുന്നവയെല്ലാം ചേർന്നുവരുന്നതും പ്രതിപ്രവർത്തിച്ചു കൊണ്ടിരിക്കുന്നതുമായ ഒരു ശരീര ഘടനാ സങ്കല്പനമാണ് ഇവിടെ കാണുന്നത്. അതിനെ ആന്തരിക, ബാഹ്യ ശരീരതത്വങ്ങളെന്നനിലയിൽ, അല്ലെങ്കിൽ കായിക, മാനസിക, ആത്മീയ ശരീരതത്വങ്ങളുടെ തലത്തിൽ 

വേർപിരിച്ചോ മാറ്റിനിറുത്തിയോ 

കാണാനാകുന്ന രീതിയിലല്ല അവയെക്കുറിച്ചുള്ള വിശദീകരണങ്ങളിൽ നിന്ന് മനസ്സിലാക്കാനാകുന്നത്. 

96 ശരീരതത്വങ്ങളായിപ്പറയുന്ന 

മനുഷ്യന്റെ ശരീരം ഘടകങ്ങളുടെ പ്രവർത്തന സ്വഭാവത്തെ നോക്കുമ്പോൾ, ആരോഗ്യസ്ഥിതിയുണ്ടാക്കുന്നതിനെ മനസ്സിലാക്കുമ്പോൾ, മനുഷ്യ ശരീരം മനുഷ്യവ്യക്തിശരീരമെന്ന നിലയിൽ ഒറ്റപ്പെട്ടുകൊണ്ട് പ്രവർത്തിക്കുന്നതായല്ല കാണാനാകുന്നത്. മറിച്ച്, മനുഷ്യേതരമായ ജീവ, അജീവ ശരീരങ്ങളുമായുള്ള പ്രതിപ്രവർത്തനനങ്ങളെയും ആശ്രയിച്ചുകൊണ്ടുള്ള ഒരു സഞ്ചലിത പാരസ്പര്യബന്ധം അവിടെ കാണുന്നുണ്ട്. 

ഇന്നത്തെ അതി സങ്കീർണ്ണമായ ആരോഗ്യപ്രതിസന്ധികളുടെ പശ്ചാത്തലത്തിൽ, ആഗോള തലത്തിൽ മേധാവിത്തമുറപ്പിച്ചിട്ടുള്ള മരുന്നാശ്രിത മാത്രമായ വൈദ്യ വ്യസായത്തിന്റെ  ചൂഷണ പശ്ചാത്തലത്തിലാണ് 96 ശരീരതത്വവിദ്യയുടെ ആരോഗ്യരക്ഷാ സാധ്യതകളെക്കുറിച്ച് ആലോചികാനുദ്ദേശിക്കുന്നത്.

pksasidharan4@gmail.com

9447262817

https://www.facebook.com/share/p/azKxRZ6PKocNDnjp/?mibextid=oFDknk

96 TATTVAS AND HEALTHCARING

 *Exploring Healthcare Potential of the 96 Sareera tattvas (Bodily Constituents)* 

The following are some general thoughts shared as part of an ongoing effort to advance a perspective for recovering healthcare potential of the 96 bodily principles or constitutive elements of life, which is envisaged in the Tamizh Siddha tradition. 

South India is a region deeply rooted in a distinctive culture of healthcare based on the 96 bodily principles. However, this social and cultural history of South India has yet to be fully understood or documented at its subtility.

Bodily principles can be simply understood as the whole complex of the life of homo sapiens, which is engrossed in the cosmic interconnections.  The bodily constitution of life, which is experienced by man is not that entirely of physical existence.

 Therefore, the term refers not just to the anatomical and physiological functions of the physical body alone. The 96 tattvas refer to various factors and the complex structural connections with cosmic surroundings  that sustains a healthy living. As meyypporul (bodytruth) they signify the cosmic dynamics, which operates at   the individual formations. Also,  it has been understood as embodying macrocosm in microcosm. 

Taking a closer look at the nature of these 96 factors, it becomes clear that many of them cannot be understood purely as aspects of the physical body. Also, it is still unclear whether the 96 principles are exclusively applicable to the human body alone. The organic life is not exclusive to Anthropocene beings. If we talk about the role of cosmos it could be applicable to all living and even to non living things and their interactions and relationships. 

Modern biology and medical science tend to emphasise the division of anatomy and physiology for approaching biological processes. However, such a division is not typically seen in the conceptualization of the 96 principles. And even the conceptualisation of body itself transcends these dichotomies of mind and body, or physical and mental. The organism of body (physical complex) has been envisioned to be inclusive of aspects that defy any rigid categorisation into the physical, psychological, and spiritual. It remains to be seen if modern biology and medicine give any importance to such interconnections.

Thus, the 96 principles could be seen forming  an integrated and interactive concept of bodily structure. They cannot be neatly divided or separated into categories like internal and external principles, or physical, mental, and spiritual principles, based on available explanations. 

The organic body could be seen as getting conditioned for transforming or getting extended to its alternative levels of expression. The tattvic relationship seems to get built on the continuum of physical and psychical, mental and transcendental, conscious and unconscious, subconscious and superconscious, external and internal, social and personal, individual and collective, subjective and objective, etc at any direction randomly. 

When examining the functional nature of these 96 bodily principles and how they contribute to health, it becomes apparent that the human body does not function in isolation as an individual entity. Instead, there is a dynamic interplay between the human body and other living and non-living bodies. 

In the context of today’s complex health crises and the exploitation of a global, drug-dependent medical industry, reflecting on the healthcare potential of the 96 bodily principles is particularly relevant. And thus, it becomes imperative to explore the ways they work at different modes of human life, and particularly how they could be taped for transcending the biomedical regimes, which keep imposing their coercive conditionalities. 

pksasidharan4@gmail.com

9447262817

പിള്ളതാങ്ങിരക്ഷാ സങ്കല്പനം - ചർച്ച

 പിള്ളതാങ്ങി കളരിവിദ്യാ 

സമ്പ്രദായത്തിലെ രക്ഷാ സങ്കല്പനങ്ങൾ 

(Draft)

കായരക്ഷ, ദേഹരക്ഷ, രോഗരക്ഷ, ആരോഗ്യരക്ഷ, ജീവരക്ഷ, ആത്മരക്ഷ, സ്വാതന്ത്ര്യരക്ഷ, മനോരക്ഷ, ശിശുരക്ഷ, ആപൽരക്ഷ,  ആക്രമണരക്ഷ, മരണരക്ഷ എന്നിങ്ങനെ പലതരത്തിൽ കാണാവുന്ന രക്ഷാവിദ്യകളും ആശയങ്ങളും ഉൾക്കാഴ്ചകളും പിള്ളതാങ്ങി എന്ന സങ്കല്പനത്തിൽ ഉള്ളടങ്ങിയിട്ടുണ്ട്. ഒരുപക്ഷേ അത് പ്രത്യക്ഷമായനിലയിൽ കാണണമെന്നില്ല. 

പാരമ്പര്യത്തിൽ ഉള്ളടങ്ങിയ ഒരു വലിയ ഉൾക്കാഴ്ച എന്നനിലയിൽ മറ്റുപല സ്ഥലങ്ങളിലും പ്രസക്തമായ രക്ഷാസങ്കല്പനമായി വികസിപ്പിക്കാനുള്ള അർത്ഥ തലങ്ങളും അതിലുണ്ട്.  അത്രയധികം സാധ്യതയുള്ള ഒരു പാരമ്പര്യ (ജന) വിദ്യയാണ് പിള്ളതാങ്ങി. 

ജനവിദ്യാ പാരമ്പര്യങ്ങളെ അനുദിനം ഉന്മൂലനം ചെയ്യുകയും അവയൊക്കെ നിയമപരമായി റദ്ദ്ചെയ്യപ്പെടുകയും ചെയ്യുന്ന വർത്തമാനകാലത്തെ അറിവധികാര പദ്ധതികളെ പ്രതിരോധിക്കുന്നതിന്റെ ഭാഗമായാണ് 'പിള്ളതാങ്ങി: അതിജീവനവിദ്യാ സ്വയം പരിശീലനശാല (Pillathaangi: Centre for Self-Learning in Liberative Life-Caring Practices) എന്ന പേരിലൊരു കൂട്ടായ്മ കുറച്ചുകാലമായി പ്രവർത്തിവരുന്നത്. ജനങ്ങളുടെ അറിവ് അവകാശത്തിന്റെ, അറിവ് സ്വാതന്ത്ര്യത്തിന്റെ, അറിവ് സമത്വത്തിന്റെ വീണ്ടെടുപ്പുകളെ മുൻനിറുത്തിയുള്ള വിശാലമായ സാമൂഹിക നീതിയുടെ (സാമൂഹികരക്ഷയുടെ, നീതിരക്ഷയുടെ) പ്രതിരോധ മാർഗ്ഗമായാണ് ജനവിദ്യാ കൂട്ടായ്മയുടെ പ്രവർത്തനങ്ങൾ നടന്നുവരുന്നത്. 

ജനകീയ പാരമ്പര്യത്തിന്റെ ഉൾക്കാഴ്ചകളും സാങ്കേതികതകളും വർത്തമാനകാലത്തിന്റെ സാമൂഹിക സാംസ്‌കാരിക രാഷ്ട്രീയ ആരോഗ്യപര പ്രതിസന്ധികളെ അതിജീവിക്കാനുതകുന്ന നിലയിൽ പുനർ നിർവ്വചിക്കാനും പുന:സൃഷ്ടിക്കാനുമാണ് പിള്ളതാങ്ങി ശ്രമിച്ചുകൊണ്ടിരിക്കുന്നത്. എന്നാൽ അത്തരം പാരമ്പര്യങ്ങളെ ഉപയോഗപ്പെടുത്തിക്കൊണ്ടുകൂടിയാണ് ചൂഷണാത്മകമായ വികസന പദ്ധതികൾ സമൂഹത്തിലേക്ക് അടിപ്പിച്ചേൽപ്പിച്ചു കൊണ്ടിരിക്കുന്നത്. അത്തരം അറിവധികാര ശക്തികൾക്ക് കയ്യാളുകളായാണ് പല പാരമ്പര്യവിദ്യാ കൈകർത്താക്കളും പ്രസ്ഥാനങ്ങളും പ്രവർത്തിച്ചുകൊണ്ടിരിക്കുന്നത്. ഇങ്ങനെയൊരു പൊരുത്തക്കേടുകളെ  (വൈരുദ്ധ്യാത്മകതയെ, പ്രഹസനത്തെ) തിരിച്ചറിയാനും മറികടക്കാനും സാധിക്കേണ്ടതുണ്ട്. 

അതിനെ മുൻനിറുത്തി പിള്ളതാങ്ങി കളരിവിദ്യാ സമ്പ്രദായവുമായി ബന്ധപ്പെട്ട രക്ഷാ സങ്കല്പനങ്ങളെക്കുറിച്ച് ഒരു പൊതു ചർച്ച തുടങ്ങിവെക്കുകയാണ്. കളരിവിദ്യയിലെ "പിള്ളതാങ്ങി" എന്ന ആശയത്തെയും പ്രായോഗിക സങ്കേതങ്ങളെയും കുറിച്ച് അറിയാവുന്നവർ അവ പങ്കുവെച്ചുകൊണ്ട് ചർച്ച മുന്നോട്ടുകൊണ്ടുപോകാൻ സഹകരിക്കണമെന്ന് അപേക്ഷിക്കുന്നു. 

വിശദവിവരങ്ങൾക്ക് :

9447262817

www.pillathaangi.blogspot.com

www.pillathaangi.com